ESTIMADOS/AS USUARIOS E USUARIAS:

 A plataforma "Coros por la paz" esta promovendo unha xuntanza para o vindeiro Domingo 27 de Marzo ás 12h coa finalidade de mostrar a repulsa pola guerra de Ucrania .

 A iniciativa consiste en cantar o Canon "Dona nobis pacem" nas prazas dos concellos e cidades de Europa ás 12h (hora peninsular).

A Escola Municipal de Música xunto co Concello está a organizar a xuntanza a celebrar diante do Concello de Moaña con tódolos coros do pobo e toda a xente que queira participar da iniciativa e coñeza a melodía.


O alumnado da escola de segundo a sexto e o alumnado de Coro xa están a practicar a canción. As demáis persoas que queiran participar estan convidados a vir mañan xoves 24 á clase de coro de 16h a 17h ou de 18h a 19h.

 O DIA DO ACTO:

O Domingo 27 as e os participantes deberán estar ás 11:30h na praza do Concello.

O alumnado co suadoiro lila da Escola.
Os demáis participantes con parte superior amarela (ou lila)

Traede carteis coa vosa demanda para parar esta guerra! Propoñemos incluso que esté escrita en inglés ou Ucraniano

Compartimos enlace da peza "DONA NOBIS PACEM" para que poidades practicala antes do evento:

 https://youtu.be/9fhJ6XrZ4jg

Enlace á noticia no Faro de Vigo:
  Un canto a la paz desde Moaña - Faro de Vigo

 

Grazas pola vosa colaboración.
Agardamos vos  animedes a participar!

 

 

 

A ESCOLA MUNICIPAL DE MÚSICA, EN COLABORACIÓN CON CÁRITAS SAN MARTIÑO TEN O PRACER DE PRESENTAR O

"FESTIVAL BENÉFICO 22" 

En pro das persoas de recursos máis limitados do Municipio, recadaremos alimentos non perecedoiros e consumibles de fogar. Así, o evento terá o prezo de cando menos un Kg destes produtos. Aceite, leite, legumes, arroz, conservas ou produtos de hixiene...son todos ben recibidos. Incluso as e os músicos   participantes achegarán, xunto coa súas interpretacións, as súas “entradas” en forma de alimento.

Celebrarase no Pavillón de Reibón o Mércores 30 de Marzo ás 19h, con aforo dirixido á familiares do alumnado do centro. Parte deste aforo estará dispoñible tamén para as demáis persoas que queiran asistir, que poderán solicitar entrada enviando un correo a escolammm@hotmail.com

No caso de non poder asisitir pero querer colaborar coa iniciativa propoñemos entregar a vosa achega á recollida de alimentos na porta do pavillón de 18h a 19h ou tamén na Escola de Música en horario de tarde os dous días previos ao Festival

ASISTIDE...! COLABORADE...!

 

 

XA ESTÁN AQUÍ AS AUDICIÓNS DO 2º TRIMESTRE...!!! 

 

O LUNS 21 DE MARZO COMEZAMOS COA PROGRAMACIÓN DE AUDICIÓNS DO ALUMNADO DA Escola Musica Municipal Moana.

 

DESPOIS DUN FIN DE TRIMESTRE CON TANTAS LIMITACIÓNS REANUDAREMOS POR FIN, CON TODAS AS MEDIDAS DE PREVENCIÓN APLICABLES POSTAS EN MARCHA, OS CONCERTOS DE ALUMNADO QUE TANTO NUTREN A NOSA ACTIVIDADE.

 

A ENTRADA SERÁ CON AFORO LIMITADO PREVIA SOLICITUDE AO TITOR/A. SE QUEREDES ASISTIR E NON FORMADES PARTE DA COMUNIDADE EDUCATIVA DO CENTRO (nos sodes familiares directos do alumnado) SIMPLEMENTE ESCRIBIDE A: escolammm@hotmail.com

 

NON VOLAS PERDADES!!!

Hoxe Festa do Entroido 22 na Escola!
 

Finalmente e por mor da climatoloxía, celebrarémolo co alumnado participante no interior do centro a partires das 17h e no patio exterior ás 18:30h coas comparsas. As nais, pais e público xeral non poderán quedar á primeira parte. Poderedes deixar aos participantes connosco e convocámosvos a todas e todos pois a partires das 18:30h para cando actúen as comparsas.
 

A merenda deberá ser individual. Recordamos que as clases de hoxe quedarán anuladas.