CONCERTO ALUMNOS DE COCO

Os Alumnos Xandre e Uxía protagonizan o vindeiro martes 29 ás 20:30h un concerto no que interpretarán as obras que presentan para a proba de acceso ó Conservatorio.

No volo perdades ! !

SOLICITUDE PRAZA NA ESCOLA. CURSO 2012-13

XA está aberto o prazo para solicitar praza na Escola. Dende o 14 de Maio ó 14 de Setembro poderanse achegar á Escola (17:30-20:00h) ou ó Concello (08:30-13:30h) para presentar a instancia. Unha vez rematado o prazo efectuarase un sorteo público o 19 de Setembro ás 20h na Escola para adxudicar as prazas.
Os horarios do vindeiro curso saberanse a finais de Xuño e as prazas dispoñibles finais a principios de Setembro.


Os nenos/as nados no 2008, 2007, 2006 e 2005 deberán poñer a Data de Nacemento ó cubrir a instancia.


Os nenos/as e adultos/as nados no 2004 ou anteriores deberán poñer a Data de Nacemento e facer constar ate 4 instrumentos para optar no sorteo entre os que se imparten na escola: Frauta Travesa, Clarinete, Saxofón, Trompeta, Trompa, Trombón, Bombardino, Tuba ou Piano. 

CONCERTO DE PRIMAVERA

… OU CONCERTO DO DÍA DAS LETRAS GALEGAS

O MERCORES 16 de MAio a Escola organiza este concerto adicado a  Valentín Paz Andrade  (1898-1987), poeta e                

ensaísta de Pontevedra. Será a partires das 19h na carballeira da Reitoral (se chove trasladarase ao D. Castelao)

ACTÚAN a Banda Xuveníl da Escola de Música e un grupo invitado: A Banda de Gaitas da Escola de Música Tradicional dirixido por Xabier Blanco

Ó REMATE:   Merenda organizada polas nais e pais.   

Agardamos esteades todos connosco... !                  

II ENCONTRO DE COROS

O pasado 27 de Abril o CORO da Escola participou no Encontro de COROS de Escolas de Música cos rapaces e maiores de Vigo e Vilagarcía. 

Este é o 2º Encontro que se fai entre estas escolas amigas e non será o último. Os cantores estiveron gozando das actividades cos profesores organizadores e do concerto que ofreceron ó público asistente. Escoitáronse temas tracicionais, de pop como "Chiribiribín" ou a BSO do Rei León e unha fantástica selección de pezas traídas de diversos lugares como Macedonia, Bali, o Caribe ou África.

SOACHE ESTA HISTORIA...?

A Escola Municipal de Música vai ofrecer aos nenos e nenas do Municipio un Concerto Didáctico preparado especialmente para eles. Este ano o conto vai sobre a historia da Humanidade  a través de 8 recreacións de momentos importantes do devir do home. Asistirán uns 1200 alumnos de Educación Infantil e Primaria dos 10 Centros educativos do Concello no que coñecerán un pouco máis sobre os instrumentos que se imparten na escola e, sobre todo, os poderán ver en acción moi de cerca. 


Serán o 24 e 25 de Maio nun total de 7  sesións en horario escolar.

Taller Danza Mix para Adultos

Taller Danza Mix para Adultos

Goza das clases de Danza integrando

diversas técnicas e estilos. Un modo

diferente de aprender a bailar con gran

variedade de ritmos.

Unha clase chea de forza e enerxía onde poderás divertirte bailando e descubrir sen límites o teu movemento e estilo!. Sorpréndete coa fusión de estilos e tendencias unicamente marcados por dous factores: a música e a creatividade.
Se nunca te animaches este é o momento, Libera o movemento!

CONTIDOS:
* Comezaremos as nosas clases cun quecemento e posta en marcha do noso corpo, con moito movemento.
* Realizaremos coreografías cheas de estilo e moito ritmo.
* E nunca nos esqueceremos de relaxarnos e estirar, con exercicios cos que, sesión tras sesión, sentirémonos aínda máis revitalizados e tonificados!!.

HORARIO: Sábados de 11:00 a 12:00

DURACIÓN: 10 sesións- do 21 Abril ó 23 de Xuño

PREZO : 50€

AI! SI EU CHE PEGO!

EIQUÍ temos un "traballo" para vacacións de entroido

!! visita a pestana de canción do mes e a practicar !!!

Este xoves 23 ás 17:30h gran festa de Entroido con disfraces, proxección da peli "Robots" e un concurso de maquetas de robots e máquinas varias.

Achégate a pasalo ben connosco e non te olvides de vir disfrazado!

As clases anularanse este día e recordade que 20, 21 e 22 temos descanso de entroido.

NOVA PARTITURA NO APARTADO de CANCIÓN DO MES.

Visita na pestana superior, selecciona e imprime!

AUDICIONS DE NADAL

Estamos preto do final de trimestre e "toca" tocar nas habituais clásicas audicións de nadal.
temos programación para 10 días de eventos ós que agardamos asistades para acompañarnos.

O mércores 21 faremos remate de ano co FESTIVAL DE NADAL no Auditorio D. Castelao.

Preme no carteliño para que se amplíe e poder ver horarios!

CONCERTO SANTA CECILIA 2011

O VINDEIRO MARTES 22 de Novembro ás 20:00h celebraremos na Escola o Concerto Especial de Santa Cecilia, patrona dos Músicos.

Será unha sesión Musical con café e tés, como vimos facendo dende hai uns anos para darlle un toque especial a esta celebración tan sinalada e importante para nós.

Vos agardamos a todos e todas!

ÉRASE UN MAGOSTO NA ESCOLA

O vindeiro Xoves, véspera de San Martiño, celebraremos o noso primeiro magosto na escola con castañas quentiñas, xogos e competicións, música e diversión. Achégate ate ás 17:30h e goza connosco neste día especial no entorno natural da Escola. Non te olvides de traer un puñado de castañas!!
Despois farase ás 20:00h a presentación da exposición da Reitoral relacionada coa parroquia que estará aberta ó público durante as festas. Nela actuarán en directo alumnos da escola.

OBRADOIRO BAILE GALEGO

A asociación Meiramar-Axóuxeres, en colaboración coa Escola Municpal de Música organiza unha Aula GRATUITA de Iniciación ao Baile Tradicional Galego para aprender os pasos básicos tradicionais.

Inclúe: Información sobre actividades da Asociación MEIRAMAR-AXÓUXERES (Musica, canto e danza Tradicional, Etnografía, Actividades Culturais, Participación en Festivais Internacionais de Folclore etc…..)

Lugar: Centro SocioCultural de San Martiño

Dirixido a: Todas as idades a partires dos 5 anos

Datas: Os MARTES 15, 22 e 29 de NOV e 13 DEC

Horario: de 19h a 20h.

Cómo anotarse: na Escola de Música ou no tfn: 647548288

O vindeiro mércores 28 de Setembro ás 16h ábrese o prazo para inscribirse na nova edición dos Obradoiros que a Escola organiza en colaboración coa BMP "Airiños do Morrazo"

Revisa contidos, horarios, prezos e idades na pestana superior de OBRADOIROS.

Nos poremos en marcha o 10 de Outubro!!

NOVO CURSO 2011-12

Damos a Benvida ó curso 2011-12 coas enerxías cargadas e cheos de gañas de continuar facendo música aló donde nos pareza. Recordade, para un bo funcionamento , estes aspectos que a continuación reseñamos:

1. Material necesario: Lápiz e goma / Libro de Instrumento …………………………………../ Instrumento Novo Libro de Linguaxe Musical feito pola Escola (+-4€, collelo en Kopiak) / Libro Teoría Ibañez Cursá nº ……… / Libreta d@ alumn@ (mercala en conserxería, 3€)/ carpeta de fundas de plástico (negra)/ As partituras do Banda Infantil, Xuveníl e Coro do pasado curso/

1b. Material necesario Iniciación(co nome do neno): Lápiz e goma / Carpeta de gomas/ Frauta de pico ( para Iniciación 6 e 7)

Libro: Suena Suena 3 Huidobro/Velilla - Ed. Real Musical (só Iniciación 7)

2. Consultade o taboleiro habitualmente. Existe info sobre normas, novas e eventos organizados ó longo do curso.

3. Este ano temos novas materias: Cámara (5º -8º curso) e COMBO (6º-8º curso). Animádevos! Revisade horarios e novidades sobre os obradoiros. A inscrición comeza o 28 de Setembro!

4. Efectualo ingreso da cota do 1º Trimestre. Calendario de pago: (hai unha pequena modificación nas datas)

Os que entraron en Setembro pagarán o 1º Trimestre en outro prazo

PERIODO ESCOLAR	1º TRIMESTRE	2º TRIMESTRE	3º TRIMESTRE
Prazo para pagar e entregar o xustif:	26 de Set ó 4 de Out	9 ó 17 de Xan	9 ó 17 de Abril