CONTO MUSICAL PARA NENOS E NENAS

OS VINDEIROS 28 e 29 de MAIO a ESCOLA MUNICIPAL DE MUSICA sae cos Instrumentos e cunha Historia Musical sobre o mundo das Emocións.  A través da música os Escolares de todos os Centros do Municipio explorarán as emocións e sensacións que a diario viven sen, moitas das veces,percatarse.  Enfado, cansazo, nerviosismo, alegría, amor e algúns outros, son  sentimentos que poden asociarse ó "carácter" musical. Por medio desta historia os nenos e nenas aprenderán a descubrir, diferenciar e valorar mellor as súas emocións e a asocialas á arte da música, atopar contidos "escondidos" nas melodías e a darlle máis sentido á escoita musical.

Serán 1050 nenos e nenas de 4 a 10 anos de idade que acudirán ás 7 sesións programadas e organizadas polos profesores e alumnos da EMMM, e que ven a supoñer un dos puntos fortes da programación anual do Centro.

A asistencia é limitada e está previamente concertada cos Colexios. 

DÍA DAS LETRAS GALEGAS

Tarde máxica de música e poesía na Carballeira de San Martiño.  Os alumnos e alumnas da Escola Municipal de Música  e da Escola Municipal de Música Tradicional deleitaron ós presentes cunha selección de repertorio pensado para a ocasión.  Despois de escoitar a todos os músicos xuntos pasamos a deleitarnos con unha merenda de despedida organizada polas nais, pais e os propios rapaces e rapazas. Que sexa por moitos anos...

O VINDEIRO VENRES 16 de MAIO a ESCOLA DE MUSICA TRADICIONAL e A NOSA ESCOLA  celebran o  DIA DAS LETRAS GALEGAS, adicado a Xosé María Díaz Castro cun Concerto "Romeiría" na Carballeira da Reitoral de S. MARTIÑO, actual sede da Escola MUNICIPAL DE MUSICA.

SERÁ ÁS 19h cando comece a música para pasar logo á merenda xa habitual entre as dúas escolas. Podedes colaborar achegando algo para picar. NON FALTEDES...!

ABERTO PRAZO PAGO 3º TRIMESTRE

ABERTO PRAZO PARA O PAGO DO 3° TRIMESTRE: 

do 1 ó 16 de Abril pago no Concello ou no BBVA. 

nº de Conta  ES78 0182 6246 30 0201500396

Imprescindible achegar xustificante do pago à escola.

En caso de dúbida consultar cotas na pestana superior: 

"MATRICULA"

370Kg de SOLIDARIEDADE

Os nenos son solidarios por natureza, os músicos tamén. 

OS NEN@S MÚSICOS SON DOBLEMENTE SOLIDARIOS...! 

370KG de solidariedade, 370 grazas!! e outro reto 

conseguido...bravo rapac@s!

CONCERTO BENÉFICO - Venres 4 Abril

O VENRES 4 de ABRIL ás 19:00h no IES  AS BARXAS concerto Benéfico a cargo das AGRUPACIONS da ESCOLA

ENTRADA: 1 Kg de COMIDA (non perecedera)   

NON FALTEDES...!

A ESCOLA DE MUSICA ESTIVO EN VIANA...!

Os alumnos e alumnas da EMMM conquistan Viana...! 3 días de Convivencia na Vila Portuguesa, con ensaios, excursións , xogos e moita, moita  actividade e ledicia  (e pouco durmir...!) remataron onte cun  Concerto que abarrotou, contra pronóstico polo mal tempo, o salón de Actos da Pousada da Xuventude da cidade.

A Escola leva moito tempo apostando polas actividades de encontro, organizando Intercambios, concentracións, concertos en outras escolas e auditorios e as novas promocións de alumnos seguen a engancharse deste tipo de aprendizaxe que se sae do estrictamente musical. É nestas xuntanzas cando mellor se aprenden os valores de compromiso co grupo, puntualidade, organización e respecto polo feito musical alen onde vaian e así poder afrontarse a situacións futuras como músico, profesional ou non.

A totalidade dos pais e moitos familiares e amigos achegáronse ás 13h para escoitar á Banda Infantil e á Banda Xuvenil que interpretaron repertorio traballado na concentración. Alumn@s e profes xa están, a pesares do esgotamento, pensando cal vai ser o próximo destino deste maravilloso grupo de rapac@s...!

ULTIMA HORA...! O CONCERTO EN VIANA DO CASTELO ADIÀNTASE AS 13H. Serà segundo o previsto na Pousada da xuventude na rua Limia.
A hora de chegada a Moaña-Reibon està prevista as 18:30h 

CONCENTRACION EN VIANA DO CASTELO

A ESCOLA DE MUSICA ESTA EN VIANA...!
68 alumnos e alumnas da escola estan de concentración musical na vila portuguesa. Realizan ensaios, actividades e excursión para preparar repertorio e facer  convivencia. O domimgo 30 as 17: 30h celebraremos un concerto na propia Pousada da Xuventude, na rúa Limia, pendentes da  climatoloxía...

O vindeiro Luns 17 poñemos en marcha as Audicións de alumnas e alumnos do 2º trimestre. Actuarán un total de 175 nenos e maiores de todas as especialidades, con entrada de balde.

Non as perdades...!

O VINDEIRO 6 de MARZO a Escola celebra o seu Festival de Entroido 2014.

Ás 17:30 comezaremos coa proxección da peli "MADAGASCAR 3- de marcha por Europa" con palomitas incluidas.

As 19:00 Festa-baile e concurso de disfraces relacionados coa peli. Podes vir de animal, de personaxe do circo ou de algo relacionado con lugares europeos(Montecarlo, os Alpes, Roma e Londres)

As 19:30 rematamos coa actuación das comparsas ANIMODO e FOCHE A BODEJA que nos farán algunhas das cancións máis marchosas do Entroido de Moaña

Traede algún doce típico das festas de Entroido como Filloas ou orellas e merendaremos xuntos escoitando as comparsas ...!

CONCERTO EXTRAORDINARIO IX

O VINDEIRO 20 de FEBREIRO ás 19:30h celebramos                o "Concerto Extraordinario IX". Unha plataforma de expresión artística para todo aquel e aquela con inquedanzas expresivas e interpretativas que queira subirse ao escenario e desenvolvelas para os semellantes. 

Toca un instrumento, toca un instrumento con un amig@, toca o teu segundo instrumento, canta unha canción, recita un poema, interpreta un fragmento dunha peli cun amig@, conta un conto, conta un chiste... etc...etc...   etc...     etc...

Anótate na escola para participar, tal vez sexa a oportunidade que estabas esperando, tal vez haxa un promotor artístico agardando a ofrecerte un contrato discográfico...  multimillonario...

PAGO DA COTA DO 2º TRIMESTRE

XA está aberto o prazo para efectuar o pago da Cota do 2º TRIMESTRE.

Do 8 ao 21 de Xaneiro no Concello ou no BBVA.

Máis info na pestana: "MATRICULA"

A EMMM vos desexa a tod@s....

FESTIVAL NADAL

O VINDEIRO 20 de DECEMBRO celebramos o FESTIVAL NADAL 2013...!  será no IES AS BARXAS ás 18:30h do serán, con entrada libre.

ACTUARAN as diversas agrupacións da Escola, Coro, Banda Infantil, Banda Xuvenil e Combo con alumnos de tódalas idades, cun repertorio amplo e de variados estilos. 

AUDICIONS DE ALUMNOS -1º TRIMESTRE

Xa están en marcha as audicións de alumnas e alumnos para este 1º trimestre. Se realizan na Sala de Audicións da Escola e son abertas a todo o público.

NON AS PERDAS...!