F E L I C E S F E S T A S !!!

A Escola Municipal de Música vos desexa a todas e todos unas felices festas e un próspero 2011 cheo de saúde, creatividade e musicalidade!

E para entrar con moito ánimo no 2011 vos recomendamos este video:

www.youtube.com/watch?v=bjZJbvp8uc8&feature=related

FESTIVAL de NADAL 2010

FESTIVAL de NADAL 2010

Mércores 22 19:00 no Auditorio D. Castelao en Quintela

AUDICIÓNS NA ESCOLA

LUNS 13 19:30 SAXOFON

MARTES 14 19:30 PIANO

MÉRCORS 15 17:30 CLARINETE

VENRES 17 17:30 FRAUTA e

INICIACION

LUNS 20 19:30 TROMBON/Tuba

21:00 AUD. ADULTOS

MARTES 21 19:30 Trompeta/Trompa

20

CONCERTO SANTA CECILIA 2010

O vindeiro Xoves 25 de Novembro a Escola celebra o seu primeiro concerto na Nova sede da Reitoral de San Martiño.

Trátase dun Concerto adicado a patroa dos músicos Santa Cecilia e que servirá para inaugurar
o ciclo de actuacións que a partires de agora se organizarán no novo espazo, a Sala de Audicións

O evento está previsto para as 19:00h e, coma outros anos, consistirá en disfrutar de música en directo acompañada por uns cafés, infusións con bizcoitos e bolachas que os asistentes soen levar a modo de colaboración.

A partires de entón as clases se impartirán xa no novo centro, deixando atrá unha longa etapa de actividade no CEIP Reibón.

O DIA DA INAUGURACIÓN

O pasado Mércores 10 de Novembro, coincidindo co inicio das festas máis populares de Moaña,
as festas na Honra a San MArtiño, a Escola de Música inaugurou a súa nova sede que despois dos comentarios vertidos sobre o seu atractivo será un centro no que apeteza máis estudar música.

Despois duns emotivos dircursos do Director da Escola, David Santiago, do Presidente do Patronato Beiramar Arturo González e do propio Alcalde D. Xosé M. Millán, recordando os inicios da institución e os esforzos aplicados no seu crecemento, os asistentes visitaron as instalacións á vez que disfrutaron de música en directo e diversas proxeccións audiovisuais informativas. Cabe sinalar a alta afluencia de público que encheu as dependencias e a participación da agrupación "Airiños Brass" e dun Cuarteto formado polos profesores do Centro.

CAMBIO NA INAUGURACION - MÉRCORES 10 ás 18:00h

A previsión de mal tempo para o martes 9, obriga a aprazar a inauguración da nova sede da Escola Municipal de Música.

O acto se celebrará o Mércores 10 ás 18:00h coa previsión de manter o mesmo programa.

INAUGURACIÓN DA NOVA ESCOLA - 9 Novembro - 19:00h

A CASA DA MÚSICA de Moaña está a piques de ser inaugurada.
O vindeiro martes día 9 de Novembro, coincidindo co inicio das festas de San Martiño as portas da nova sede da Escola Municipal de Música abrirán para todos os que se queiran achegar a presenciar o acto e, como non, a visitar as instalacións tal e como van ser utilizadas polo centro docente.

No evento, que se celebrará ás 19:00h, contarase coa presenza do Alcalde D. X.Manuel Millán e dunha representación da Corporación municipal ademais de agrupacións musicais tanto da Escola coma algunha invitada.

A estrea da nova sede virá a se-la consecución dunha das necesidades máis reclamadas nos últimos anos, que aportará un indubidable peso institucional ao centro e que servirá de lugar de esparcimento a esta arte que con tan bo afán desenvolven tanto alumnos coma profesores e impulsará á escola a ser un centro de referencia de ensino musical non regrado na comarca, de xeito que se vexa abastecida polos anos necesarios e de cara a un futuro no que o aclamado Auditorio Municipal sirva de sede definitiva.

OBRADOIROS MUSICAIS. Edición 2010-11

Xa está aberto o prazo de inscripción aos Obradoiros musicais que a Escola ofrece en colaboración coa Banda de Música "Airiños do Morrazo". Este ano contamos con aulas de HIP HOP, SOLFEXO ACTIVO para ADULTOS, OBOE, GRUPOS POP, MUSICA E CONTOS, BATERIA, e MUSICA PARA BEBÉS. O prazo para inscribirse remata o día 8 de Outubro
Tedes máis info na pestana superior.

AINDA QUEDAN PRAZAS PARA NENOS/AS DO 2003

Aínda quedan prazas de novo ingreso para entrar na Escola para nenos e nenas nados no 2003, que formarían parte do grupo de 7 anos de Iniciación Musical. O horario desta aula é os martes de 18:00 a 19:00h e os venres de 17:30 a 18:30h. Para solicitar praza os interesados deberán acudir ó Concello co DNI ou Libro de familia do neno/a máximo o día 30 de Setembro. Os nenos e nenas de 6, 5 e 4 anos poden solicitar entrar na lista de espera para cubrir baixas ou matrículas non efectuadas.

SOLICITUDE DE PRAZA PARA INSTRUMENTO

Tamén permanece aberto o prazo para solicitar praza de formación instrumental disponible para os nados no 2002 e anteriores, incluso adultos. Igualmente pasarían a entrar na lista de espera para cubrir baixas ou matrículas non efectuadas.

Os instrumentos posibles son:
FRAUTA - CLARINETE - SAXOFÓN - TROMPETA - TROMPA - TROMBÓN - BOMBARDINO - TUBA - PIANO.

Para máis Info, no Concello, mostrador de Información ou na Escola (Colexio Reibón) en horario de tardes.

CANCIONS DO MUNDIAL DE FUTBOL

NORABOA Á SELECCION DE FUTBOL!!!!!
Eiquí tes algunha das cancións que acompañaron ó mundial para tocar co teu instrumento donde che apeteza. Pincha na imaxe pequena e farase meirande. As inferiores son un pouco máis agudas, pensadas para saxos ou frautas. A PRACTICAR!!!

CONCERTO BANDA XUVENIL DA ESCOLA

O pasado Sábado 26 de Xuño, coincidindo coa Feria de mostras "Alternalia 2010" a Banda Xuveníl da Escola protagonizou un concerto no que interpretou o repertorio traballado durante o curso na Escola.

Foi unha hora de música variada que abarcou estilos diferentes coma o pop, versións de temas clásicos, pasodobles ou melodías tradicionais.

Este Concerto supuxo un verdadeiro reto ó ser a primeira vez que a formación afrontaba un repertorio tan extenso, sobre todo tendo en conta as idades dos compoñentes, que van dos 11 as 16 anos.

FESTIVAL " TU SI QUE TRIUNFAS"

O pasado 18 de Xuño a Escola Municipal de Música celebrou o concerto fin de curso 2009-10 cunha especial gala de música moderna con nome "Tú si que triunfas" que fixo as veces de imitación de algún dos programas televisivos como “Operación triunfo” ou “Tu si que vales”, espazos dos que se extrae o simpático nome.

Pero ademáis esta gala viu ser a culminación dun interesado e completo esforzo que os alumnos e alumnas desenvolveron ó longo do último trimestre para a súa preparación.

Así, na Gala actuou todo o elenco de idades, dende os pequenos de 4 anos aos alumnos que rematan a súa formación. Os primeiros adicáronnos unha coreografía sobre o tema de actualidade “Tenía tanto que darte” de Nena Daconte e os últimos unha versión preparada por eles de “Tengo el Corazón contento” de Marisol.

Con estas participacións tivemos a oportunidade de escoitar temas míticos do Pop e do Rock dos últimos 50 anos coma “Don´t Worry be happy” de Booby Mcferryn, “Me colé en una fiesta” de Mecano, “Mamma mía” de ABBA, “Bailando” de Alaska ou “Viva la Vida” de Coldplay.

Con este concerto, a Escola completa un intenso ciclo de actuacións e celebracións que este curso incluiu ate 6 Festivais de Música, 24 concertos e audicións de alumnos, 8 sesións didácticas para máis de 1200 rapaces e un Intercambio Musical entre Escolas.

E é que o plantexamento educativo do proxecto da Escola considera como fundamental na formación dos músicos que sexan dende o inicio protagonistas dos concertos e actividades e que se formen a carón do público, non só nas aulas.

Con iso, a Escola é cada día máis recoñecida e demandada, feito que se corrobora cada Setembro, que é o mes que teñen os interesados para presentar solicitudes para o ingreso na súa disciplina .